Кеҥеж жапыште поезд дене Озаҥ да Табашино марте кошташ лиеш

Кеҥеж жапыште поезд дене Озаҥ да Табашино марте кошташ лиеш. Калык утларак кошташ тӱҥалме дене «Содружество» пригородный пассажир компаний 19 поездым уэш корныш луктеш. Нунын коклаште Йошкар-Олам Озаҥ да Табашино дене ушен шогышо поездат уло. 5-ше июнь гыч Озаҥ- Йошкар-Ола поезд 14 шагат эрталтымеке кугарнян, шуматкечын да рушарнян кошташ тӱҥалеш. Тыгаяк кечылаште кастене Йошкар-Ола гыч Табашиныш кая. 6-шо июнь гыч шуматкечын, рушарнян да шочмын Табашино гыч Йошкар-Олаш вич шагат эрдене лектеш. Йошкар-Ола гыч Озаҥыш 7 шагатат 45 минутлан шуматкечын, рушарнян да шочмын кошташ тӱҥалеш.