Осал чер эше ик ӱмырым наҥгаен
Республикыштына коронавирус дене черланыше- влакын чотышт ешаралт шога. Пытартыш суткаште гына нунын чотышт 46 еҥлан шукырак лийын. Черланыше- влакын тӱшка чотышт тӱжемат 689 еҥыш шуын. Тушечын тӱжемат 326 еҥже эмлалт лектын. Кызыт 352 еҥ черле. Эртыше суткаште эше ик еҥ ӱмыр лугыч лийын. Тымарте чылаже 11 еҥ илыш дене чеверласен. Россий мучко ик суткаште кандаш тӱжемат 500 еҥ черланен. Чылаже 387 тӱжемым эртен. Черлан кӧра 232 еҥ колен.