Электроэнергетике субъект- влакым шушаш олтымо тургымлан ямдылыме йодышым каҥашыме
Марий Эл Правительстве председательын икымше алмаштышыже Александр Сальников республикыштына электроэнергийым ситарыме лӱдыкшыдымылыкым ыштыме шотышто Штабын черетдыме заседанийжым эртарен. Электроэнергетике субъект- влакым шушаш олтымо тургымлан ямдылыме, коронавирус инфекций шарлыме ваштареш кучедалме жапыште нунын пашам ыштымышт да чер шарлыме ваштареш ыштыме мера- влак нерген ойлымо. Тыгак пайдаланыме электротуллан оксам кузе тӱлымӧ йодышымат ончымо. Электросеть организаций- влаклан у тургымлан палемдыме план почеш ямдылалташ темлыме. Чер ваштареш кучедалме чыла мерым шуктен шогаш кӱштымӧ. Чоҥымаш, архитектура, илыме вер да коммунал озанлык министерствылан парым шотышто мониторингым умбакыже шуяш, жапыштыже тӱлаш кӱлмӧ нерген калыкым палдарен шогаш темлыме. Тиддеч посна чарныде электроэнергий дене пайдаланыше социал да чот кӱлешан объект- влакын перечньыштым пеҥгыдемдыме.