Йошкар-Олаште Юл кундем округын пожар да утарыме спорт дене таҥасымашыже умбакыже шуйна

               Марий Эл Юл кундем округысо 14 субъект гыч пожар да утарыме спорт дене Регион- влак кокласе кӱкшытан таҥасымашын участникше- влакым вашлийын. Таҥасымашым торжественно почмаште Республикым вуйлатышын сомылжым шуктышо Юрий Зайцев участвоватлен. Тудо команде- влаклан сеҥымашым тыланен да элыштына утарыше- влакын пашаштын кӱлешлыкшым палемден. Юрий Зайцев  МЧСын республикысе  тӱн виктемжын пашаеҥже- влак- кӧргӧ службын подполковникше Юрий Прыгунов ден старший сержант Иван  Куракинлан Россий Президентын Указше дене пуымо «Пожарыште лӱддымылыклан» медальым кучыктен. Полномочный представитель Игорь Комаровын кӱштымыжӧ почеш тӱҥ федерал инспектор Павел Волков погынышо- влакым саламлен. Таҥасымаш кокымшо июль марте шуйна. Тушто 14 субъектын командыже радамыште 310 еҥ таҥаса. Марий Элын командыштыже 20 спортсмен уло. Нунын коклаште нылытше спорт мастер, иктыже спорт мастерыш кандидат улыт.
             Фото: Марий Элым вуйлатышын организаций да аналитик виктемже.