Йошкар-Оласе самырык патриот-влак Володя Дубинин лӱмеш йоча лагерьыште вашлийыныт

             Таче Йошкар-Оласе самырык патриот-влак Володя Дубинин лӱмеш йоча лагерьыште вашлийыныт. Икымше «Патриот» сменыште оласе кадет класслаште тунемше 280 йоча каналта. Смена кок арня шуйна. Кокымшо «Лидер» смена 17-ше июньышто тӱҥалеш да тунеммаште чолгалыкым ончыктышо ӱдыр-рвезе- влакым уша. Чылаже тений кеҥежым Володя Дубинин лӱмеш лагерьыште тазалыкым пеҥгыдемдыме вич смене лийшаш. Тушто тӱжемат 300 наре йоча каналтышаш. Марий Элым вуйлатышын сомылжым шуктышо Юрий Зайцев муниципал образованийлам вуйлатыше- влак дене эртарыме совещанийыште ончылно шогышо задаче- влакым палемден ыле. Нунын коклаште иктыже тыгай ыле: «кеҥежым йоча- влакын канышыштым этарыме да тазалыкым пеҥгыдемдыме жапыште вӱдыштӧ нунын лӱдыкшыдымылыкыштым эскерыме йодышым личный контрольыш налаш». Йоча- влакым вашлияш лагерьыште ондакак тӱҥалыныт: кундемым тӱзландареныт, шукш-копшаҥге деч обрабатыватленыт, корпуслам уэмденыт, кӱлешан ӱзгар- влакым налыныт. Лӱдыкшыдымылыкым ышташ манын, лагерь йыр саварым ыштыме, видеокамере- влакым вераҥдыме.
             Йошкар-Ола администрацийын фотожо.