Икымше сентябрь гыч сонарлыме жап вашталтеш
Республикыштына икымше сентябрь гыч сонарлыме жап вашталтеш, - увертара пӱртӱс поянлык министерстве. У правил дене келшышын республике кундем кок зонылан ойыралтеш. Тушто шошым сонарлыме тӱрлӧ жап палемдалтеш. Кажныже лу кече деч шуко огыл шуйна. Вашталтыш ир сӧснам, шордым, ош мераҥым, нергем, пирым, маскам, ондатрам, вӱдкомам да урым сонарлыме жапым тӱкен. Вашталтыш Марий Элым вуйлатышын тений 24 майысе Указше негызеш пурталтын. Тиде Указ 2020-шо ийысе 29 –ше декабрьыште лукмо Указыш тӧрлымашым пурта да тений икымше сентябрь гыч вийым налеш.