Йошкар-Олаште Кугу Ачамланде сарын ветеранже- влаклан сото телефоным кучыктеныт

Йошкар-Олаште Кугу Ачамланде сарын ветеранже- влаклан сото телефоным да идалык мучко яра пайдаланаш «Ветеран» тарифлан сертификатым кучыктеныт. Тиде пашам теҥгече тӱҥ партий Сеҥымашын волонтёржо- влак дене пырля тӱҥалыныт. Телефоным пуымаш Сеҥымаш кече вашеш лийшаш ыле, но чер шарлымылан кӧра тиде сомылым кызыт гына ыштен кертме. Икымше телефоным Анатолий Безбородов ден Ольга Нагаева кидыш кученыт. Нуным икшывышт да уныкашт ончат. Телефон илалше еҥ- влаклан келыштаралтын: кугу кнопко, кугемдыме шрифт, палыме номерлаш СМС-ым колтышо экстренно ӱжмӧ кнопка йӧнан лийыт. Лишыл жапыште эше 180 фронтовиклан тыгай ӱзгарым кучыктышаш улыт. А акций жапыште чылаже 52 тӱжем телефоным пуышаш улыт.