Пилорамын ончычсо пашазыже 150 тӱжем теҥгеаш оборудованийым шолыштын

Марий Элыште пилорамын ончычсо пашазыже 150 тӱжем теҥгеаш оборудованийым шолыштын. Оршанке районысо ик пилорамын пашаеҥже полиций пӧлкаш омса сурам пудыртымо нерген увертарен. Кок станок, бензопила, электроӱзгар- влак йомыныт. Тиддеч посна электродвигатель ден электрокабель уке лийыныт. Полицейский- влак рашемденыт: кадыр кидан еҥ орлын, сигнализацийын да видеоэскерымашын уке улмыж дене пайдаланен мо кӱлешым поген налын. 150 тӱжем теҥге нарылан эҥгекым конден. Тиде 48 ияш ончычсо пашазе улмаш. Тудо осал пашам ыштымыжым пеҥгыдемден да шолыштмыжым кушко шылтымым каласен. Оборудованийым поген налме, уголовный пашам тарватыме.