Кугунур тӱвыра пӧрт волгалташ тӱҥалеш
«Культура» калыкле проект почеш Оршанке районышто ялысе тӱвыра пӧртым олмыктат. Республикын тӱвыра министрже Константин Иванов районысо Кугунур тӱвыра пӧртыш миен да ачалыме паша дене палыме лийын. тымарте подрядчик леведышым, электровоштырым, окнам, омсам вашталтен, пӧрт йыр отмосткым ыштен, кызыт тувырашым олмыктат. Пашам 31 процентлан шуктымо. Константин Иванов палемден: капитально олмыктымо деч вара тӱвыра пӧрт тичмаш куатын пашам ышташ тӱҥалеш манын ӱшанем. Тушто лу клуб коллектив пашам ышта. Тӧнежым чоҥымо деч вара 50 ий тудым капитально олмыктымо огыл.
