Ленин лӱмеш тӱвыра полатат пайремым вуча
Йошкар-Оласе Ленин лӱмеш тӱвыра полатат Российын кечыжлан ямдылалтеш. Тудын ончылжым пеледыш да тисте дене сӧрастареныт, флагым окналаште вераҥденыт. Адакшым полатын коллективше тӱшкан субботникыш лектын: клумбылам моторемденыт, воктелсе кумдыкым эрыктеныт, кушшо шудым солен налыныт. Пайрем кечын тысе пашаеҥ- влак оласе калыкым 12 шагатлан окна гыч саламлаш тӱҥалыт. А тӱҥалтышыште калыкым ушен шогышо символ семын кугыжаныш Гимн йоҥга.
