6-шо номеран исправительный колонийыште пашам ыштыше- влакын йочашт «Зарница» модмашын чемпионжо лийыныт

         Республикыштына 6-шо номеран исправительный колонийыште пашам ыштыше- влакын йочашт «Зарница» модмашын чемпионжо лийыныт. Кажне кеҥеж каныш годым Марий УФСИН-ын сотрудникыштын икшывышт Сеҥымаш кечылан пӧлеклалтше «Зарница» патриот модмашке ушнат. Тений модмашке эше Йошкар-Оласе 31-ше школын УИС-ын кадетше- влак модаш кумылаҥыныт. Визымше классыште тунемше- влаклан кугурак йолташышт дене таҥасаш куштылго лийын огыл, но кажне йыжыҥыште тыршен кучедалыныт. «Зарницын» чемпионжо лӱмым «Стрижи» команде сеҥен налын. Тудын радамыштыже 6-шо номеран колонийыште тыршыше- влакын икшывышт улыт. Кокымшо верыште «Звонкие» команде- нылымше колонийын сотрудникше- влакын йочашт, кумшо верыш «Патриот» команде лектын- УФСИН-ын пашаеҥыштын икшывышт. Чыла участниклан дипломым кучыктымо. А призёр- влаклан медальым пуымо
          Россий УФСИН-ын Марий Элысе виктемжын пресс-службыжын фотожо.