Тулык йоча- влакым илышлан туныкташ республикын кучемже уло вийжым кучылташ тӱҥалеш

             Тулык йоча- влакым илышлан туныкташ республикын кучемже уло вийжым кучылташ тӱҥалеш. Йочам аралыме кечын Юрий Зайцев Лӱлпан йоча пӧртыш миен. Тӧнежын директоржо Надежда Петухова республикым вуйлатышын сомылжым шуктышылан йоча- влакын илымышт да тунеммышт, сеҥымашышт нерген радамлен каласкален. Туныктымо да шуарыме паша 7 гыч 17 ияш марте ныл тӱшка йочалан да школыш коштдымо ик группылан эртаралтеш. Ешартыш шинчымашым 12 усталык ушем ден секцийыште пуат. Юрий Зайцев ургымо мастерскойышто, тренажёр залыште, логопед ден дефектологын кабинетыштышт, ЛФК, социал да быт пӧлемыште, малыме пӧлемыштышт лийын, йоча- влак дене мутым вашталтен да нунын келшен илымыштым палемден. Тудо тыгак спорт ӱзгар ден ӱстембал модыш- влакым пӧлеклен. Улшо инициативе- влакым ме эре поддержатлена. Тиде  «Кугу перемен» да моло проект- влакат. Нуно йочалан элнан чын гражданинже лияш полшат. Мемнан вел гыч мо кӱлеш гын, полшаш ямде улына,- каласен Юрий Зайцев.
             Фото: Марий Элым вуйлатышын организаций да аналитик виктемже.