Йошкар-Олаште пашам пуышо- влаклан электрон трудовой книжкам ыштыме да тудым вӱдымӧ йодыш дене семинар эртен

 Йошкар-Ола администрацийын кугу залышкыже предприятий ден организацийла гыч 600 утла еҥ погынен. Нунылан паша законодательствыште лийше вашталтыш- влак, Пенсий фондыш отчётым у формо дене пуымо нерген каласкаленыт. Электрон книжкалан икымше увер- влакым пашам пуышо- шамыч 15-ше февраль марте колтышаш улыт. 25 еҥ марте ыштыман предприятий отчётностьым электрон форма дене колта. Шкалан шке пашам ситарыше- влак отчётым огыт пу. Тиддеч посна 30-шо июнь марте чыла пашам пуышо-влак шке пашаеҥыштым трудовой книжкан формыжым (кагаз книжкам але электронныйым) ойырен налме шотышто кидпалым пыштыктен, возен увертарышаш улыт. Кадр службын специалистыштлан верласе чыла пенсий фонд- влак тыгай семинарым эртараш тӱҥалыт.