Пушеҥге ден кушкыл- влаклан ӱяҥдышым пуаш вашкыман огыл

           Республикысе ял озанлык министерстве сад- пакчам кучышо- влаклан шижтара: пушеҥге ден кушкыл- влаклан ӱяҥдышым пуаш вашкыман огыл. Игечылан прогноз дене келшышын вес арнян йӱкшемдаш тӱҥалеш. Изарнян 13-шо апрель гыч трук йӱкшемда да юалге игече ик арня кучалтеш. Игече пужлымылан кӧра специалист- влак, роза пеледышым, пушеҥгым, кушкылым ӱяндыш да кушкаш полшышо раствор дене шаваш огыт темле. Ӱяндыш кушкаш тарвата, а йӱштӧ нерештше кушкылым когарта. Сандене кызытеш кушкылым пӱчкедаш, тӱредаш, чер да копшаҥге деч аярташ лиеш, но шукияш- влакым «пукшаш» ок йӧрӧ. Кунам келшыше шокшо толеш, вож шке пашажым шукташ тӱҥалеш, лышташнер тарвана, тунам ӱяҥдаш лиеш. Тыглай игече шогымо годымат мемнан кундемыште 15-ше апрель марте шукияшлан ӱяҥдышым огыт пу.
               Фото: МариМедиа.