Оласе индешымше микрорайонышто коллекторым жап деч ончыч пыштен шукташ шонат

           Оласе индешымше микрорайонышто коллекторым жап деч ончыч пыштен шукташ шонат. Тушто кызыт канализаций коллекторым вашталтат. Тиде кундемыште илыше-влакым эше изиш чыталташ йодыт. Молан манаш гын, тиде паша шуко жапым да тыршымашым йодеш, поснак шошым, ночко жапыште. Коллекторым тушто 1974-ше ийыштак ыштыме. Сандене тудын пайдаланыме жапше эртен да кызытлан келшен ок тол, куатшат ок сите.- каласен мэрын икымше алмаштышыже Лев Покровский. Контракт почеш подрядчик пашам ноябрьлан мучашлышаш. Но пашам ончылгоч шуктымым шотыш налаш гын, июльланат пытарен кертыт. Пашам мучашлыме деч вара кундемым тӱзландараш да ужарташ тӱҥалыт.
           Фото: Лев Покровский.