Марий Элыште Юл эҥерым тазаҥдаш вич у очистной сооружений пашам ышташ тӱналын

             Марий Элыште Юл эҥерым тазаҥдаш вич у очистной сооружений  пашам ышташ тӱналын. Кундемыштына «Экологий» калыкле проектын «Юл эҥерым тазаҥдымаш» программыже умбакыже пашам ышта. Тудын ыштыме жапыште вич очистной сооруженийым пашаш колтымо,- увертара чоҥымаш министерстве. Объект- влакым Марий Турек посёлко воктене Кырлан почингаште чоҥымо, Козьмодемьянскыште, Параньгаште, Марий Турек районысо Косолоп селаште пужен ыштыме. Декабрь тӱналтышыште Килемар посёлкышто очистной сооруженийым ыштен шуктымо. Тыгак эн кугу объект Йошкар-Оласе канализацийын очистной сооруженийын икымше йыжыҥже мучашлалтеш. Тудым пашаш колташ ямдылат.
         Фото: Чоҥымаш министерстве.