Юрий Зайцев Кугыжаныш премийым налше-влаклан наградым кучыктен

           Юрий Зайцев сылнымут, сымыктыш, архитектура, шанче да техника аланыште Кугыжаныш премийым налше-влаклан наградым кучыктен. Наградым пуымо торжественный церемоний «Тӱвыраште у» регион- влак кокласе 5-ше лӱмгече форумышто Калык- влакын келшымаш пӧртыштышт эртен. Регионым вуйлатыше погынышо- влак ончылно палемден: Марий Элыште тӱвыра поянлык переген аралалтеш, инноваций- влак чолган шыҥдаралтыт. «Тӱвыра» калыкле проектым шыҥдарымылан кӧра могай сеҥымашыш шумо нерген каласкален. Мутлан 2019-ше ий гыч 14 тӱвыра пӧртым олмыктымо, 13 автоклубым налме, моделян 8 книгагудым ыштыме, куд йоча сымыктыш школым норматив марте тӧрлымо, Марий кугыжаныш филармонийым чоҥымо, Марий самырык театрым да Волжск олаште «Родина» кинотеатрым йоча сымыктыш школлан келыштарен пужен ышташ тӱналме. А «Тӱвыраште у» форум пӱсын шогышо йодыш- влакым каҥашаш да ончыкылык корным рашемдаш йӧным ышта. Тений Кугыжаныш премийым налыныт: сылнымут аланыште писатель Анатолий Подольский, сӱретче Полина Метелькова, балет куштызо Светлана Сергеева, композитор Эллина Архипова, историй консультант Галина Шкалина, либретто дене пашам ыштыше Надежда Гордеева, театр сымыктышыште  режиссер Владислав Константинов, актёр- влак Сергей Матюшкин, Иван Немцев, Ксения Немиро, Антон Типикин.
             Фото: Марий Элым вуйлатышын  администрацийжын увер дене пашам ыштыше пӧлкаже.