Рӱдӧ олаштына оласе да районласе школлаште тунемше- влаклан «Шанче шуматкечым» эртареныт

           Рӱдӧ олаштына оласе да районласе школлаште тунемше- влаклан «Шанче шуматкечым» эртареныт. Эртыше шуматкече Йошкар-Ола, Шернур, Советский да Медведево районласе тунемше- влаклан шанче шӱлышан лийын.  Ӱдыр-рвезе- влак рӱдӧ олаште вуз, колледж да «Кванториум» йоча технопарк ден 29-ше номеран школын преподавательышт дене вашлийыныт. Нуно тыгак естественный шанче да фармаций институтын лабораторийышкыже миеныт, ужалкалыме да технологий колледжыште модын онченыт, кванториум- влакын мастар-классыштышт участвоватленыт. Туныктыш министерствыште ушештарыме почеш, «Шанче шуматкече- влак» тиде тунемше- влак коклаште шанчым, шанче шинчымашым да сеҥымашым шарен колташ, шымлыме паша деке интерестыштым вияҥдаш виктарлтше проект. Черетан тыгай мероприятий 20-шо январьыште лиеш.
        Фото: Туныктыш министерстве.