Республикыштына оласе йӧнан кумдыкым ыштыме шотышто Россий кӱкшытан 6-шо конкурсышто сеҥыше проектым шыҥдарыме

             Республикыштына оласе йӧнан кумдыкым ыштыме шотышто Россий кӱкшытан 6-шо конкурсышто сеҥыше проектым шыҥдарыме. Козьмодемьянскыште федерал проект кышкарыште «Олан у семын йоҥгалтмыже. Козьмодемьянскыште  композитор Эшпайын скверже» проектым ыштен шуктымо. Федерал бюджет гыч 70 миллион теҥгем ойырымо. Марий Элым вуйлатышын кӱштымыжӧ почеш Правительстве председательын алмаштышыже Александр Сальников пашам кузе шуктымым ончен лектын. Тӱзландарымылан кӧра Яков Эшпай лӱмеш Тӱвыра полат воктенсе сквер вошт эртен коштмо зоно гыч чапле каныме верыш савырнен. Тушто кукшо фонтаным, сценым, урно ден теҥгылым, йоча площадкым, спорт зоным, беседке ден арт-объект- влакым вераҥдыме. Александр Сальников тыгак Курымашлык тулым чӱктымо торжественный церемонийыште участвоватлен. Тулын ужашыжым Йошкар-Ола гыч кондымо. Республикылан йӧрталтде пашам ыштыше кумшо курымашлык тулын чӱкталтмыже историй шщарнымашым арален кодымаште пеш кӱлешан. Козьмодемьянскыш мийыме годым Правительстве вуйлатышын алмаштышыже тыгак аварийный пӧртла гыч кусарыме еҥ- шамычлан да тулык йоча- влаклан у пачерла деч сравочым кучыктен. Тыгак Конституций кечын Александр Сальников оласе самырык еҥ- влаклан паспортым кучыктен.
             Фото: Марий Элым вуйлатышын  администрацийжын увер дене пашам ыштыше пӧлкаже.