Людмила Петровна Протасован ӱмыржӧ кӱрылтын

            Таче Марий радион ончычсо пашаеҥже, тымарте Йошкар-Ола епархийын увер да савыктыш пӧлкаштыже шуко ий тыршыше Людмила Петровна Протасован ӱмыржӧ кӱрылтын. Тудо 79 ийыш тошкалын ыле. Марий Элын сулло журналистше, пашан ветеранже, ятыр ий марий радиошто пашам ыштен. 2005-ше ийыште сулен налме канышыш лекмекше, Йошкар-Ола епархийыште пашам ышташ тӱҥалын да тымарте мемнан радиошто «Благовест» передачым ямдылен да вӱден. Людмила Петровнам 15-ше декабрьыште литургий деч вара иктаж 9 шагатат 30 минутлан Благовещений кафедрал соборышто улдаш (отпеватлаш) тӱналыт.
          Фото: Йошкар-Олинская епархия.