Йошкар-Олаште Брайль системе дене эн сайын лудшо- влакым сайленыт

            Йошкар-Олаште Брайль системе дене эн сайын лудшо- влакым сайленыт. Сокыр- влаклан республикысе книгагудышто начар тазалыкан- влаклан брайль конкурсын финалже эртен. Ойырен налме турым эртыше эн сайын лудшо- влак рельеф да точкан шрифт дене возымо сылнымутым писын лудмаш дене танасеныт. Конкурсышко Савино ял ден Йошкар-Ола гыч лудшо- влак ушненыт. Нунылан ойырен налме текстым вич минутышто лудаш темленыт.  Жюри сылнын лудмым, ыштыме йоҥылышым, мыняр корным лудмым аклен.  Тыге икымше верым Тамара Яндолина, кокымшым Татьяна Шевелёва, кумшым Зоя Мочаева налыныт. Нунылан шарнымашан пӧлекым кучыктеныт, увертара тӱвыра министерстве.
         Фото: Тӱвыра министерстве.