Козьмодемьянскыште причалым чоҥен пытарыме

         Козьмодемьянскыште причалым чоҥен пытарыме. Идалык мучашлан тушто икмыняр кӱлешан объектым ыштен шуктымо. Мутлан, 12-шо декабрьыште уэмдыме Чап обелискым да Яков Эшпай лӱмеш калык тӱвыра рӱдер воктене чапле сценан у скверым почмо. Тиддеч посна тиде кечылаште пассажир теплоход- влаклан эн кугу эҥер классан причалым чоҥен пытарыме. Причал пырдыжын келгытше вич метр наре, кужытшо 96 метр, кумдыкшо ныл метр утла. Проектыш тыгак кок велыш шулдыр семын чоҥымаш, виш павильон, вӱд дене толмо вер да мланде ӱмбалсе йолешке вончем пурат. Спорт-туризм министерствыште ушештарыме почеш, причалым республикысе турист инфраструктурым комплексно вияҥдыме «Юлышто этнотуризм рӱдер» программе почеш чоҥымо. Тенийсе навигаций кампанийыште Козьмодемьянскыш 300 наре судно шогалын. Причал инфраструктурым вияҥдымаш турист- влаклан толаш йӧным ыштыме деч посна, турист- влакым кумылаҥден шогышо у точко- влакым ышташ йӧным пуа.- палемден спорт-туризм министр Лидия Батюкова.
            Фото: «Про Козьмодемьянск» ВК.