Кугыжанышым вуйлатыше Марий Эл гыч кадет- влакым шушаш У ий дене саламлен

             Кугыжанышым вуйлатыше Марий Эл гыч кадет- влакым шушаш У ий дене саламлен. Москошто Тӱнямбал кӱкшытан поро кумылым ончыктышо Кремльысе 8-ше кадет бал лийын. Тушко Ургаш посёлкысо лицей-интернатын кадетше- влак миеныт. Российысе 84 субъект гыч самырык- влак делегаций лийын. Чылаже кадет тӧнежла, Суворов ден Нахимов училищылан, кадет классан школла, патриот сарзе да спорт клублан, йоча социал тӧнежлан кок тӱжемат 900 эн сай воспитанникышт да кӱшыл сарзе тунемме тӧнежлан курсантышт лийыныт. Мероприятийыште Замбий, Сьерра-Леоне, Киргизий, Боливий, Сирий, Узбекистан, Катар, ОАЭ, Беларусь да Шри-Ланка йотэлла гыч самырык-влак участвоватленыт. Почётан уна семын СВО-н участникше, Российын да Совет Ушемын Геройышт, йотэл йолташ кугыжанышлан посолышт миеныт. Владимир Путин кадет балын участникше- влаклан саламлымашым колтен да палемден: тиде у ий деч ончычсо пайрем вашлиймаш- влак рӱдӧ олан да уло элын илышыштыже кӱлешан событий лийыныт. Кугыжанышым вуйлатыше погынышо- влакым лишем толшо У ий дене саламлен сай кумылым тыланен.
              Фото: Туныктыш министерстве.