Марий Элысе предприятий печатный платым лукмо кугытым ныл пачаш ешара

                 Марий Элысе предприятий печатный платым лукмо кугытым ныл пачаш ешара. Тӱрлӧ материал гыч печатный платым лукшо «Технотех» ушем уэмдыме паша кышкарыште лектышым кугемден толеш. 2023-шо ийыште печатный платым миллионат 800 тӱжем квадрат дециметрым лукмо гын, 2024-ше ийын лектышыже почеш куатше кум миллион квадрат дециметр лийшаш. А 2025-ше ийыште тиде цифра шым миллионат 500 тӱжем квадрат дециметрыш шушаш. Тидыже кодшо ийысе деч ныл пачаш шукырак. Предприятийыште уэмдыме да у оборудований дене пойдарыме пашам 2022-шо ий мучашыште тӱҥалме. Тымарте участкылаште чоҥымо да монтаж пашам шуктымо, у линий- влакым пашаш колтымо. Погымо да монтаж пашан кумдыкшым кок пачаш ешарыме. Уэмдыме дене пырля импортым алмаштыме проект- влак шыҥдаралтыт. Предприятийын планыштыже- шке шонен лукмо разработко- влакым элысе моло производитель- влакланат темлаш шонымаш уло.
                 Фото vk.com/tehnoteh_ru