Йошкар-Олаште у школым марий калыкле тӱс дене сӧрастарат

             Йошкар-Олаште у школым марий калыкле тӱс дене сӧрастарат. Йошкар-Олан мэрже Евгений Маслов «Восточный» микрорайонышто чоҥалтше школым терген лектын. Тудо подряд организацийын еҥже- влак дене мутланен, кочмывер, кабинетла, коридорлаште отделка пашан кузе кайымыжым ончен. Школын ойыртмалтше сылнылыкшылан кӧргӧ пӧлем- влакын дизайнышт шотлалтеш. Нуным калыкле тӱс, марий орнамент да сӱрет- влак дене сылнештарат. Тыгак пачаш- влакым тематике шот дене сӧрастараш шонымаш уло. Мутлан, икымше пачашыже Йошкар-Олалан пӧлеклалтеш. Республикым вуйлатыше тений икымше сентябрьлан школым почаш задачым шынден. Чоҥышо- влакын мутышт почеш тӱҥ отделке паша мучашыш лишемеш. Апрель мучашлан школ кӧргӧ шке тӱсшым налеш, мебель ден пойдаралтеш. Чыла пашажат график почеш кая, эсогыл южо пашаже ончылтен шукталтеш. Объектлан оксам жапыштыже ойырен шогат. Игече сай шога гын ик арня гыч кундемым тӱзландараш тӱҥалаш лиеш,- каласен мэр. Олаште школ- влакын ситыдымашышт чотак палдырна. Тӱжемат 100 верлан у тунемме тонеж улшо школлаште йоча- влакым изиш шагалемдаш полша.
       Фото: Йошкар-Ола мэрийын видеожо гыч скрин.