Республикысе чыла олаште келшыше йӧнан верым ыштыме

              Республикысе чыла олаште келшыше йӧнан верым ыштыме. Российын чоҥымаш министерствыже 2023-шо ийысе оласе средан качество индексшын лектышыжым савыктен. Средан качествыжым ончыктышо  индекс 36 палым акла. Тудо куд эн кӱлешан кумдыкым ончыкта: илыме верым, мер да паша, социал-каныш инфраструктурым да тудын деке лишке улшо кумдыкым, ужар вер- влакым, эҥер серым, урем инфраструктурым да оласе тӱшка кумдыкым. Марий Эл чыла показательже денат 100 процентыш шушо 9 регион коклан пурен. 2023-шо ийыште Республике мучко оласе кумдыкын качестве индексше 210 баллым поген. Кодшо ийын республикысе оласе средан качестве индексшын чыла индикаторжат кушкын. Волжск ола икымше гана келшыше йӧнан средан олалан шотлалтын. Тыгай лектышыш «Оласе йӧнан кумдыкым ыштымаш» федерал проектым шыҥдарымылан кӧра шумо. Элысе тӱжемат 117 олажын качестве индексшым шотлымо. Тушечын 759-ыжым илаш келшыше йӧнанлан шотлымо. Тудын кокла значенийже 2023-шо ийыште 200 баллыш шуын, план почеш 198 балл лийшаш ыле.
             Фото: Марий Элым вуйлатышын  администрацийжын увер дене пашам ыштыше пӧлкаже.