Йошкар-Ола гыч Яранскыш да Озаҥыш поезд- влак уэш кошташ тӱҥалыт

            12-шо апрель гыч уэш Йошкар-Ола гыч Яранскыш поезд кошташ тӱҥалеш. Тудо кугарня, шуматкече да рушарня еда кая. Йошкар-Ола гыч состав 17 шагатат 20 минутлан лектеш, Яранскыш 19 шагатат 55 минутлан миен шуэш. Корнышто кок шагатат 35 минут лиеш
           А 23-шо апрель гыч Йошкар-Ола гыч Озаҥыш пригород поезд кажне кечын кошташ тӱҥалеш. Рӱдӧ ола гыч состав 7 шагатат 39 минутлан тарвана, Озаҥыш 10 шагатат 19 минутлан миен шуэш. Мӧнгешла поезд 14 шагатат 8 минутлан лектеш да Йошкар-Олаш 16 шагатат 48 минутлан толын шуэш. Билетын акше 398 теҥге.