У тунемме ий тӱҥалме вашеш маске дене коштмо режимым шуктымо шотышто тергымаш пеҥгыдемеш

У тунемме ий тӱҥалме деч ончыч маске дене коштмо режимым шуктымо шотышто тергымаш пеҥгыдемеш да тӱшка вер- влакым дезинфицироватлаш тӱҥалыт. Тыгай задачым Республикым вуйлатыше Оперативный штабын заседанийыштыже шынден. Тӱшка транспортышто маске режимым шуктымо нерген транспорт министр Александр Герасименко ойлен. Тӱшка транспорт предприятийлашке маске режимым эскерыме да транспорт салоным кажне кечын обраватыватлыме нерген темлымаш- влакым колтымо, остановкылаште увертарымаш- влакым пижыктыме. Но калык аралыше средстве дене шагалрак пайдаланаш тӱҥалын. Сандене Светлана Булатова тергыме рейд- влакым чӱчкыдынрак эртараш темлен. Республикым вуйлатыше тидым сайлан шотлен. Олан мэрже Евгений Маслов йоча сад- влакын пашам эркын тӱҥалмышт нерген увертарен. Кызыт 20 йоча сад пашам ышта. Кажне группышто 12 йоча деч шуко огыл. 16-шо август марте эше 12 йоча тӧнеж почылтшаш. Тиддеч посна рӱдӧ каныме паркым почмо.