Тунемше- влакым промышленный паша дене палымым ыштат
Звенигово районышто «Мой выбор» акций умбакыже шуйна. Тудо «Поро паша» проект кышкарыште шыҥдаралтеш. Кодшо кечылаште Звенигово оласе икымше номеран кыдалаш школын 10-шо 11-ше класслаштыже да лицейыште тунемше- влак гипс вартышым лукшо кызытсе жаплан келшен толшо «Кнауф» предприятийыш миеныт. Ӱдыр- рвезе- влак европо кӱкшытан производство дене палыме лийыныт. Заводым вуйлатыше компаний нерген, тудым Звениговышто кузе почмо нерген каласкален. Тунемше- влак вартышым кузе ыштымым, продукцийым упаковатлымым онченыт, предприятийын лабораторийыштыже лийыныт. Предприятийым вуйлатыше- влак тыгай тӱҥалтышым сайлан шотленыт да тунемше- влаклан экскурсийым ончыкыжымат эртараш ямде улмышт нерген каласеныт.