Чавайн лӱмеш книгагудо сар жапыште лукмо книга- влак выставкым почын

Республикын книгам аралыше тӱҥ верже- Чавайн лӱмеш калыкле книгагудо, ойыртемалтше книга коллекций- влакым арала. Нунын кокла гыч иктыже- 1941-ше 1945-ше ийлаште савыктыме книга- влак. Кугу Сеҥымашлан 75 ий темме идалыкыште книгагудо нунын дене «Сар жапысе книга- влак» выставкыште палыме лияш ӱжеш. Верховный гавнокомандующийын приказше- влак да партий ден правительствын кӱлешан документышт деч посна сар да аралыме теме дене тӱрлӧ брошюра- влак савыкталтыныт. Тиддеч посна республикысе пашазе- влакын рапорт ден отчётышт, Сталинлан да земляк-фронтовик- влаклан марий калыкын тӱшкан возымо серышыже кугу верым налеш. Шанчыеҥ- влакын пашаштымат, сылнымут, поэзий, очерк, ойлымаш- влакымат лукмо. Сарын икымше кум ийыштыже Марий книга савыктыш 580 тӱрлӧ книгам савыктен. Выставке социал-экономик литература пӧлкаште пашам ышта.