Йошкар-Олаште ик тӱҥ корным арня наре жаплан петырыме
Йошкар-Олаште вӱд пучым олмыктымылан кӧра ик корнывожым арня наре жаплан петырыме. Ола администрацийын уветарымыж почеш, Зелёный урем ден Йыван Кырла але Козьмодемьянск корнын ушнымаште вӱдпучым олмыктат. Сандене транспортлан кошташ йӧндымӧ лийын. Корным таче 8 шагат эр гыч 3-шо февральын 20 шагат марте петырыме.