Таче Россий мучко «Блокадысе кинде» шарнымаш акций эрта

Ленинградысе блокадым кӱрылмӧ лӱмеш таче Россий мучко «Блокадысе кинде» шарнымаш акций эрта. Марий Элысе волонтёр- влакат тушко ушненыт. Акций таче Йошкар-Оласе Тӱвыра да каныш паркыште лийын. Тудын символжо- 125 грамм нелытан кинде шултыш. Лач тыгай кугыт киндым блокада жапыште ик еҥлан пуымо нормым ыштыме. Ятыр еҥлан тиде кече мучкылан ик кочкыш гына лийын да илен кодаш полшен. Волонтёр- влак Ленинградым утарыме историй нерген каласкаленыт. Чыла кумыланлан 125 грамм киндым тамлен ончаш да Ленинградыште ӱмыр лугыч лийше- влакым шарналташ темленыт. Самырык- влакын полатыштышт тиде датылан пӧлеклалтше «Илышыште эн тӱҥжо» документальный фильмым ончыктымо. Тиддеч вара блокадыште илыше ӱдырамаш- влак дене веб-трансляций лийын.