Эрла студент- влакын пайремышт

Эрла Российысе студент- влакын кечышт- Тачанан кечыже палемдалтеш. Тиде пайрем дене студент да преподаватель- влакым Марий Элым вуйлатыше саламла. Пагалыме студент, вузышто, техникумышто, колледжыште тыршыше туныктышо- влак. Алал кумылын самырык тукымын ик эн йӧратыме Российысе студент кече дене саламлем. Студент пагыт- кажне кечын уым палаш, волгыдо шижмашым налаш  нимучашдыме йӧн улмо жап. Ик могырым тиде мондаш лийдыме весела пагыт, все могырым тӱня умылымаш пеҥгыдемеш, шонымаш рашемеш, шке пӱрымашлан лач тый гына оза улмым чын умылет.  Республикысе студент- влак кундемнан усталык да уш-акыл куатше улыт. Марий кундемын ончыкылыкшо тендан кидыште. Сай специалист- влакым ямдылымыштлан мемнан педагог- влаклан тауштем. Нуно келге шинчымашым пуымо да сай корным ойырен налаш полшымо дене пырля чын айдемым шуарат, - ойлалтеш республикым вуйлатышын саламлымашыштыже.