Марий Элыште «Блокадан Ленинградыште илышылан» знак дене палемдалтше 18 еҥ ила
Таче Российын воин чап кечыже палемдалтеш. Тиде Ленинград олам немыч-фашист войскан блокадыж деч пӱтынек утарыме кече. Ленинград верч кучедалмаш кугу Ачамланде сарын эн кужун шуйнышо ужашыже лийын- 29 тылзе шуйнен. Тушто илыше калык кугу подвигым ыштен, чыла нелылыкым чытен лектыныт. Тушто лийше- влак кугыжаныш награде дене палемдалтыныт. Нунын коклаште «Блокадан Ленинградыште илышылан» оҥеш пижыктыме знак. Марий Элыште тиде пале дене палемдалтше 18 еҥ ила. Нуно кок пенсийым налаш праван улыт.
