Руш тоштерын эше ик выставкыже Йошкар-Олаш толеш
Руш тоштерын эше ик выставкыже Йошкар-Олаш толеш. Калыкле сӱрет галерейыште 6-шо февральыште «Йошкарге. Руш тоштерын погымыжо гыч живопись, калык да кидмастар сымыктыш» выставке почылтеш. 60 утла произведений гоч уста мастар- влакын йошкар тӱсым кузе кучылт моштымышт ончыкталтеш. Экспозицийыште 19-ше 20-шо курымласе паша- влакым ужаш лиеш. Нунын коклаште Николай Ген, Архип Куинджин, Константин Маковскийын, Константин Коровинын, Кузьма Петров-Водкинын, Роберт Фалькын, Давид Бурлюкын да моло палыме сӱретче- влакын пашашт уло.