Пӱгыльмым поген, нӧшмым ямдылат

Марий Эл Республикыште пӱнчӧ да кож пӱгыльмым поген, нӧшмым ямдылыме паша кая. Кодшо ийын  1 тӱжем 500 тонн  кичкым шапашлыме.  Республикыштына тачысе кечылан пӱгыльмым коштымо вер кокыт -  Шернур поселкышто да Звенигово олаште – уло. Но кодшо ийын Звениговышто пӱгыльмым поген  огытыл. Тений тушто 4 тӱжем утла тонн пӱнчӧ пӱгыльмым погымо. Март йотке тудым  коштен, шӱгыньчын шуктышаш улыт. 
Шернурышто ӱмаште да тений кож пӱгыльмым сайын погат. Верысе лесхозыш октябрь гыч январь марте 25 тӱжем 849 килограмм кож пӱгыльмӧ, 17 тӱжем 200 наре пӱнчӧ пӱгыльмӧ пурен. Кож пӱгыльмӧ гыч 230 килограмм, пӱнчӧ пӱгыльмӧ гыч 122 килограмм наре кичкым  лукмо. Тидыже республикысе чодыра фондым уэмдаш сай шапаш.