Республикым вуйлатыше Ковид-19 чер дене кучедалмаште правам аралыше орган- влакын паша лектышыштым палемден
Республикым вуйлатыше Ковид-19 чер дене кучедалмаште правам аралыше орган- влакын паша лектышыштым палемден. Оперативный штабын заседанийже эртыме годым коронавирус инфекций ынже шарле манын ыштыме мера- влаклан посна тӱткышым ойырымо. Поснак утларак ямде улмо режимым пурытмо кышкартыште шуктмо мероприятий-влак нерген ойлымо. Эл кӧргӧ паша министр Сергей Волчков ушештарен: пандемий тӱҥалме годсек полиций пашаеҥ- влак режимым шуктымо шотышто 38 тӱжем уведомленийым кучыктеныт. Нунын кокла гыч кок тӱжемат 700 утла еҥже илалше- влак улыт. Ужалкалыме объектлаште тыршыше- влак дене профилактике паша шукталтеш. Нунылан 6 тӱжем темлымашым кучыктымо. Тачысе кечылан куд тӱжем утла административный правонарушенийым пален налме, 18 тӱжем утла пашам ыштыше предприятий ден организацийым тергыме. Министрын мутшо почеш, УГИБДД пашаеҥ- влак Роспотребнадзорын, транспорт министерствын сотрудникышт дене пырля калыкым шупшыктышо транспортымат терагат. 20-шо октябрь гыч 191 автобусым ончымо, 16 нарушенийым кораҥдыме. Ковид черан- влакын эмлалтме 10 медицина тӧнеж сутка мучко оролалтеш. Режимым увертарыме деч вара тӱжвалне пашам ыштыше полиций наряд- влакым ешарыме. Элышке толшо йотэл граждан да пӧртылшӧ –влакын спискышт эре тергымаште улыт. Марий Элым вуйлатыше Сергей Волчковлан исполнительный кучем дене кылым кучен пашам ыштымылан да чер ваштареш кучедалмаште пайдале пашалан тауштен ойлен.
