Волжск гыч туныктышо- влак «Серафимовский туныктышо» конкурсышто сеҥышыш лектыныт

Волжск гыч туныктышо- влак «Серафимовский туныктышо» конкурсышто сеҥышыш лектыныт. Конкурсыш Элысе, тыгак Беларусь да Литвасе   53 регион гыч 353 педагог ушнен. Марий Эл гыч туныктышо- влак 2019-ше- 2020-шо тунемме ийын лектышыже почеш сеҥыше- влак радамыште улыт. Серафим Саровский лӱмеш Угарманысе фонд гыч организатор- влакын мутышт почеш, тиде мероприятий шӱм-чон поянлык шинчымашым шарымаште тыршыше педагог- влаклан полышым пуымо да нунын лӱмыштым нӧлтымӧ йӧн. Марий Эл гыч  вич туныктышо шке разработка ден методик материалыштым пуэныт. Конкурсын лектышыже почеш, Волжск ола гыч 10-шо школышто тӱҥалтыш класслам туныктышо Наталья Галинова педагогик премийын лауреатше лӱмым сеҥен налын. Кок коллегыже- Козьмодемьянскысе «Дарование» школ- интернатыште тӱҥалтыш класслам туныктышо Наталья Любимова ден Шарача школышто руш йылме ден литературым туныктышо Людмила Томцева кумылаҥдыше премийым налыныт.