Республикыште черланымаш эше ок изем

                    Марий Эл Ковид-19 да пневмоний диагнозым шындыман черле- влакын ӱмыр лугыч лиймыштын шагал улмыж дене кум ончыл регион- влак радамыште улеш. Марий Элым вуйлатыше Александр Евстифеев Россий мучко коронавирус черын шарлымыже ваштареш кучедалше оперативный штабын заседанийыштыже участвоватлен. Тудо видеоконференц кыл йӧн дене эртен. Россий правительство председательын алмаштышыже Татьяна Голикова палемден: элыште тичмаш налмаште эпидемиологий ситуаций нелылан шотлалтеш. Марий Элым ик показатель денат начар- влак коклаште ончыктымо огыл. Тазалыкаралтыш министерствын ончыктымыж почеш, республике кызыт Ковид-19 да пневмоний диагнозым шындыман черле- влакын ӱмыр лугыч лиймыштын шагал улмыж дене кум ончыл кундем коклаште улеш. Тыгеже эпидемиологий ситуаций контрольышто улеш, амбулаторный полышым кӱлеш семын ямдылыме, стационарлаште медицина полыш шке жапыштыже пуалтеш. Тичмаш налмаште республикыште черланымаш эше ок изем. Эмлаш пыштыме- влакын чотышт ешаралтмылан кӧра, койко фондым эше 247 верлан кугемдыме. Кызыт лу медицина тӧнежыште тӱжемат 334 койко кучылталтеш. Стационарлаште кокла да нелын черланыше- влак эмлалтыт, куштылгын черланыше- влак амбулаторно полышым налыт. 912 койко деке кислородым ушымо, 128 ИВЛ аппарат уло. Эше 16-ым кондышаш улыт. Амбулаторно эмлалтше- влаклан противовирусный препарат- влакым яра пуат. Тиде пашалан 25 миллион утла теҥге оксам ойырымо, республике эше ик миллионым ешарен. Республикыште икмыняр чарымаш, маске режим да моло проивоэпидемиологий мероприятий пурталтын.