Александр Евстифеев Российысе калыкле гвардийын Юл кундем округысо войскажым вуйлатышын икымше алмаштышыже дене вашлийын

                        Александр Евстифеев Российысе калыкле гвардийын Юл кундем округысо войскажым  вуйлатышын икымше алмаштышыже, генерал-лейтенант Михаил Урасов дене пашаче вашлиймашым эртарен. Нуно республике кумдыкышто тӱшка лӱдыкшыдымылыкым ыштымаште вашкыл нерген йодыш- влакым каҥашеныт. Республикым вуйлатыше калыкле гвардий войскан федерал службыжын Марий Элысе виктемжын пашажым пайдалылан шотлен.
                         Республикысе Росгвардий виктемым вуйлатыше полицийын полковникше Геннадий Файзулин палемден: нунын ончылно тенийлан шындыме задаче- влакым шуктымо. Моло силовой ведомство орган- влак дене кылым ыштыме. Кӱрылтыш нимогай лийын огыл. Тачысе кечылан саркуралым кучышо 17 тӱжем утла оза лицензионно- разрешительный рӱдерын тӱткышыштыжӧ улыт. Вневедомственный охране дене 7 тӱжем наре объектым да еҥ- влакын пачерыштым авалтыме. Таче кечылан спецподразделений- влак задачым республикыште гына огыл, Йӱдвел Кавказыштат шуктат.- увертарен Геннадий Файзулин.
                         Мучашлан Александр Евстифеев республикыште правопорядкым да мер лӱдыкшыдымылыкым ыштымаште Росгвардийын кӱлешан рольжым палемден.