Регионым виктарыме рӱдер кучем ден калык коклаште кылым ыштыше йыжыҥыш савырнен

                           Регионым виктарыме рӱдер Марий Элысе кучем орган ден калык коклаште кылым ыштен шогышо йыжыҥыш савырнен. Тудо ноябрь тӱҥалтышыште пашам ышташ тӱҥалын. Тиде тӧнежым интернетыште савыктыме  калыкын обращенийжым шымлен, тичмаш сӱретым чумыраш, вашкылым ышташ да аналитик да социал шымлымашым эртараш ыштыме. А рӱдер-влакым почаш тӱҥалтышым Российын Президентше Владимир Путин ыштен. Пурышо йодыш да темлымаш- влакым шымлен, шукырак вашлиялтшыже- влак негызеш картыште тӱрлӧ тӱс дене кушто шукырак проблеме улмым палемдат. Тыге нуным виктарен колташ йӧнанрак лиеш. Кызыт кеч- могай вуйшиймашым решатлаш ведомство- влаклан 30 кече пуалтеш. Но шоналташ гын, мутлан, йоча площадкым олмыкташ але тудым угыч чоҥаш- тӱрлӧ кужытан жап кӱлеш. Сандене йодышым виктарен колтымо посна регламент ышталтеш. Рӱдерлан оксам федерал бюджет ойыра. Пашам шуктымо нерген отчёт вигак Марий Элым вуйлатыше Александр Евстифеев деке толеш. А тудо калыкын йодышыжым вашкерак виктарен колташ тырша.