Шочшо азам шолыштшо ӱдырамаш мутым кучаш тӱҥалеш
Шарнеда, тений шошым, 23-шо мартыште, Йошкар-Оласе Перинатал рӱдер гыч шочшо азам шолыштыныт ыле. Тидым ыштыше ӱдырамаш суд ончыко шогалеш. Уголовный паша почеш прокуратура титаклымашан заключенийым луктын. Неле осал пашалан Йошкар-Олаште илыше 34 ияш ӱдырамаш титаклалтеш. Азам тудын пӧртыштыо правам аралыше органанын сотрудникше- влак тудо кечынак муыныт ыле. Ӱдырамашым кучымо, азам тергымеке, ача-аважлан пуымо. Изи ӱдырлан эҥгекым ыштыме огыл.