Ординатор да студент- влак Ковид дене кучедалаш полшат

                   Республикыштына ординатор да студент- влак Ковид дене кучедалаш полшат. Республикысе медицина тӧнежлашке 66 еҥан ковид десант толын. Тиде- ординатор, элысе медицина вузлан да Йошкар-Оласе медицина училищын студентышт. Нунын кокла гыч 35-ше пашам ышта, 13-шо практикыште улеш, 18-ыже волонтёр семын тыршат. Озаҥысе кугыжаныш медицина университет гыч 15 студент, Кировысо тыгаяк вуз гыч 3, Чуваш университет гыч 2, Марий университет гыч 28 еҥ. Йошкар-Оласе эмлыме верыште, Республикысе йоча клинический эмлыме верыште, Волжскысо, Марий Турекысе рӱдӧ эмлыме верыште ныл ординатор да вузлан 10 студентышт тыршат. Марий университет гыч 6 студент вашке полыш службыш полшаш толын. Медицина колледжын кугурак курслаштыже тунемше-влак Йошкар- Оласе йоча эмлыме верыште, икымше поликлиникыште, 1-ше Медсанчастьыште, Козьмодемьянскысе, Звениговысо да Медведевысе рӱдӧ эмлыме верлаште волонтёр семын полышым пуат. Тиде арнян марий университет гыч эше 35 студент ушнышаш.