Марий Элыште илыше 10 еҥ Турций гыч пеҥгыдемдыман Коронавирус чер дене пӧртылын
Марий Элыште илыше 10 еҥ Турций гыч пеҥгыдемдыман Коронавирус чер дене пӧртылын. Йот эл- влак дене уэш авиакылым ыштымеке Марий Элыш ныл тӱжемат 700 еҥ пӧртылын. Тушечын ныл тӱжемат 470 еҥже гына кугыжаныш полыш порталыште анкетым возен. Ныл тӱжемат 522 еҥже пӧртылмеке, кум кече жапыште, Ковидлан тергымашым эртен. Палемдыме жапыште 28 кугыеҥ да 6 йоча тергалтын огыл. Кок йоча шотышто уверым правам аралыше органлашке ковидлан тергалтме нерген результатын чын улмыжым рашемдаш колтымо. Молыжым Роспотребнадзор виктемыш протоколым возаш ӱжмӧ. Таче кечылан 49 материалым судыш ончаш пуымо. Судын пунчалже почеш 30 еҥлан тичмаш налмаште 250 тӱжем теҥге штрафым тӱлыкташ ыштыме. Моло материалже кызыт ончалтеш. 95 еҥ шотышто уверым правам аралыше органыш чынжым кушто лиймышытым рашемдаш да Ковидлан тергалтмышт шотышто документышт укелан мерым ышташ колтымо. Самолёт- влак чоҥештылаш тӱҥалме годсек Турций гыч 9 кугыеҥ да ик йоча ковид чер дене пӧртылыныт.