«Паллада» парус клубым вуйлатыше Андрей Желудкин округысо конкурсышто сеҥышыш лектын
Козьмодемьянск оласе «Паллада» парус клубым вуйлатыше Андрей Желудкин Юл кундем округысо «Признание-НКО» конкурсышто шкенжым мастарын ончыктен. Тудлан «Коммерцийдыме организацийым виктарымаште профессионал» номинацийыште пиал шыргыжалын. Тудо сеҥышыш лектын. Конкурсыш округсо 250 тӱжем деч шагалрак илыман изи олала гыч участник- влак пурталтыныт. Андрей Желудкинлан кубок ден дипломым кучыктымо. Тудо палемден: мемнан- йоча организаций. Сандене сеҥымаш шеҥгелше йоча да ача-авашт, тыгак мыланна полшышо- влак шогат. Чылалан кугу тау, - манын тудо.
