Пенсионер- влак компьютерым «сорлыклат»

Пенсионер- влак компьютер многоборье дене кучедалаш тӱҥалыт. Республикыштына компьютер многоборье дене пенсионер- влак коклаште эртарыме Россий кӱкшытан 10-шо чемпионатлан ямдылалташ тӱҥалыныт. Регионысо йыжыҥ 30-шо июнь марте лийшаш да кок номинаций дене эртышаш: ӱшанлын пайдаланыше да пайдаланаш тӱҥалше. Чемпионатышке 60 ияш пӧръеҥ- влак да 55 да кугурак ийготан ӱдырамаш- влак пурталтыт. Тений таҥасымаш- влак онлайн- йӧн дене эртат. Пайдаланаш тӱҥалше- влаклан ойырен налме тур 19-ше июньышто, ӱшанлын пайдаланыше- влаклан 26-шо июньышто лиеш. Ойырен налме тур деч вара кок еҥан команде ышталтеш. Тудо Российын 10-шо чемпионатыштыже Марий Элын чапшым аралаш тӱҥалеш. Йодмашым 17-ше июнь марте пуаш лиеш.