«Калык- Марий Элын поянлыкше» фотоончер почылтын

                 Чавайн лӱмеш калыкле книгагудышто Марий Эллан 100 ий теммылан пӧлеклалтше фотоончер почылтын. «Калык- Марий Элын поянлыкше» ончерым ышташ шонымаш  Российысе марий- влакын калыкле тӱвыра автономийыштым вуйлатыше Лариса Яковлева да Марий тӱвыра рӱдерым вуйлатыше Наталья Пушкина деч лектын. Фотосӱретым Денис ден Иван Речкинмыт ыштеныт. Нуно шке пашаштышт республикыште палыме еҥ- влакым велыктеныт. Тиде- республикым вияҥдымашке надырым пыштыше кугыжаныш да мер пашаеҥ, район вуйллатыше да ял озанлык пашаеҥ, тӱвыра да шанче деятель- влак улыт. Ончер икымше да кокымшо пачашыште пашам ышта.