Михаил Васютин школышто тунемше- влакын «Кугу перемена» Российысе конкурсыштын финалистше- влак дене вашлийын
Правительстве вуйлатышын икымше алмаштышыже Михаил Васютин «Кугу перемена» школышто тунемше- влакын Российысе конкурсыштын финалистше- влак дене вашлийын. Вашлиймаш таче Туныктыш министерствын конференц-залыштыже эртен. «Кугу перемена» тиде «Россия- страна возможностей» президент платформын проектше 2020-шо ийыште ышташ тӱҥалын. Дистанциян йыжыҥын лектышыже почеш конкурсыш республикысе тӱжемат пеле тунемше ушнен. Нунын кокла гыч 25 еҥже полуфиналыш, кокытшо финалыш лектын. Тиде Йошкар-Оласе 28-ше лицей гыч Диана Москвина ден 15-ше номеран школ гыч Анастасия Исакова. Михаил Васютин нунын ача-аваштлан тауштымашым кучыктен. Йоча- влаклан полышым пуэн шогымыштлан тауштымашеш Россий Президент администрацийым вуйлатышын икымше алмаштышыже Сергей Кириенко кидпалыжым пыштен, а финалист- влак электрон фитнес-браслетым налыныт.
