Марий мер каҥаш 26-шо апрельыште шошо сессийыш погына

            Марий мер каҥаш 26-шо апрельыште шошо сессийыш погына. Мероприятий Республикысе мер-политик рӱдерыште лиеш.  Шошо сессий ешлан, туныктымо пашалан, школлаште марий йылмым тунемме пашалан пӧлеклалтеш. Форумыш мер толкынын еҥышт, марий- влакын тӱшкан илыме кундемла гыч чолга еҥ- влак толыт. Йӱла почеш эн ончыч мер каҥашым вуйлатыше Эдуард Александров ойла да сессийым почеш. Палемдыме тема почеш эксперт- влак ойлаш тӱналыт. Сессий кышкарыштак Мер каҥашын пленумжо лиеш. Тудо Марий калыкын 12-шо погынжылан ямдылалтме да эртарыме йодышлан пӧлеклалтеш Погын тений 31-ше октябрь гыч 2-шо ноябрь марте эрта. Тиддеч посна Марий талешке кечылан пӧлеклалтше «Геройын сортаже» акций кышкарыште марий классик, шанчыеҥ, писатель, поэт, артист- влаклан чапкӱ, шарнымашан оҥа- влак деке пеледыш аршашым пыштат
             Фото: Марий Элым вуйлатышын  администрацийжын увер дене пашам ыштыше пӧлкаже/Кидшер.