Республикыштына икымше чодыра пожар- влакым регистрироватлыме
Республикыштына икымше чодыра пожар- влакым регистрироватлыме. Марий Элысе чодыраште 19-ше апрель гыч тул пижын кертме лӱдыкшӧ тургым тӱҥалын, а 20-шо числа гыч тул ваштареш шогымо посна режимым пуртымо. Пӱртӱс поянлык министерствын ончыктымыжо почеш, 21-ше апрельыште тений икымше гана чодыраште вигак кок вере тул пижын. Когынекат Звенигово районышто Кокшайск лесничестве кундемыште лийын. Тул латвич гектар кумдыкым авалтен. Амалже- калыкын тул дене шекланыде пайдаланымыже. Пӱртӱс поянлык министерстве чодыраште да чодыра воктене тул дене пешак тӱткӧ лийман, мардежан да шокшо годым тулотым ылыжтыман огыл манын шижтара.
Фото: Архив.
Фото: Архив.